केंद्र सरकारमध्ये होणार जम्बो नोकर भरती

By Naukari Adda Team


See this ad in english इथे क्लिक करा

bharti

केंद्र सरकारमध्ये होणार जम्बो नोकरभरती

नवी दिल्ली


यंदाच्या केंद्रीय अर्थसंकल्पात अर्थमंत्र्यांनी भरघोस नोकरभरतीचे संकेत दिले, त्यानुसार अर्थसंकल्पात २ लाख ८० हजार जागांच्या भरतीसाठी तरतूदही करण्यात आली आहे. केंद्र सरकारच्या आयकर, सीमा शुल्क आणि अबकारी खात्यात ही जम्बो नोकरभरती होणार आहे.

नोटाबंदीनंतर काळ्या पैशांविरोधातली कारवाई करणाऱ्या आयकर विभागाचे मनुष्यबळ वाढवण्याची गरज निर्माण झाली आहे. आयकर खात्यातली पदांची क्षमता मार्च २०१८ पर्यंत दुप्पट करण्यात येणार आहे. सध्या आयकर खात्यात ४० हजार कर्मचारी आहेत, ते मार्च २०१८ पर्यंत ८० हजार होतील. सीमा शुल्क आणि अबकारी कर खात्याला अतिरिक्त ४१ हजार कर्मचाऱ्यांचे बळ पुरवले जाणार आहे. या खात्यांमध्ये सध्या ५०,६०० कर्मचारी आहेत. ही संख्या ९१,७०० पर्यंत नेण्यात येणार आहे.

रेल्वे खात्यात सद्यस्थितील (सैन्यदल वगळता) सर्वाधिक १३ लाख ३१ हजार कर्मचारी आहेत, त्यामुळे या खात्यात २०१८ पर्यंत कोणतीही अतिरिक्त कर्मचारीवाढ केली जाणार नाही. अवकाश आणि अणुऊर्जा, मंत्रीमंडळ सचिवालय, माहिती-प्रसारण आणि परराष्ट्र व्यवहार खात्यांचे मनुष्यबळही वाढवण्यात येणार आहे.

केंद्र सरकारने २०१६ पर्यंत आयटी, सीमाशुल्क आणि केंद्रीय अबकारी कर विभागात १ लाख ८८ हजार नोकरभरतीचे उद्दिष्ट ठेवले होते. यामुळे २०१५ च्या क्षमतेपेक्षा हे मनुष्यबळ २१ हजारांनी वाढणार होते. पण ही भरती लांबणीवर पडली.

पंतप्रधान नरेंद्र मोदींचे परराष्ट्र धोरणातले स्वारस्य पाहून परराष्ट्र व्यवहार खात्यातले कर्मचारी आणखी २ हजारांनी वाढवण्याचा निर्णय घेण्यात आला आहे. २०१६ मध्ये ९,२९४ असणारी या खात्यातली कर्मचारी संख्या २०१८ पर्यंत ११,४०३ होणार आहे. माहिती प्रसारण खात्याची क्षमताही सध्याच्या ४,०१२ वरून ६,२५८ होणार आहे. मंत्रीमंडळ सचिवालयात सध्या ९२१ कर्मचारी आहेत, ते २०१८ पर्यंत १,२१८ होतील.


Click here to see the ad

 

Like our Facebook page for jobs updates

Close